New Delhi, Lber 12L Ka general election ha u snem 2009 ka jingpoi jong ki nongthep ha ka Ri India baroh kawei ka long 58 percent.
Ki jylla kiba heh kum ka UP, Bihar, Rajasthan, Maharashtra, MP, Gujarat ka jingpoi jong ki nongthep vote ka long duna ia ka 58.10 percent. Ka jylla kaba heh tam ha ka Ri India ka jingpoi ki nongthep vote ka long tang 47.78%, ka jylla Bihar ka long tang 44.46 %.
Kaba duna eh ka jylla kaba poi thep vote ka dei ka jylla Jammu bad Kashmir ka poi tang 39.68%, ka jylla Gujarat tang 47.9% bad ka Rajasthan 48.4% kine ki long ki san tylli ki jylla kiba duna palat ka jingpoi thep vote jong ki briew.
Katba ki jylla kiba heh kum ka Maharashtra, Jharkhand bad MP ka jingpoi jong ki nongthep vote ka long tang hapdeng 50.71%, 50.98% bad 51.16 % percent.
Katba ka jingpoi jong ki nongthep vote ha North Eastern states ka long kaba kham bun lain noh tang ka jylla Mizoram ha kaba ki nongthep vote ki poi tang 51.8%. ka jylla Nagaland ka dei kaba la bun tam eh ka jingpoi ki nongthep vote ha kaba kala poi haduh 89.99% but sa ka jylla Tripura 84.45% bad ka Sikkim 83.76%.
Ka jylla West Bengal ruh ka jingpoi jong ki nongthep vote ka la kiew bha ha kaba ki la poi haduh 81.4%. ki jylla ba shathie jong ka Ri India kiba la poi bun eh dei ka jylla Kerala ha kaba ki la poi haduh 73.36%, Tamil Nadu ka poi 73.03% bad ka Andhra Pradesh ka poi 72.63 %. Bad ka jylla Karnataka ka long tang 58.81%.
Napdeng ki Union Territories, kiba poi duna eh kiba thep vote ki long ka Delhi ha kaba ki nongthep vote ki poi tang 51.85% ha Lakshadweep ka poi haduh 85.9% bad kane kala long kaba nyngkong na ki union territory bad kaba ar haba khein kyllum na baroh.(SP News)
