Shillong, Jylliew 25: Ki nongialam ka kynhun ki nongniah kali kamai mynta ka step ruh ki la mih biang ban ai jinghikai iaki khynnah skul ba kin pyndonkam ia ka lynti iaid kjat ym ban iaid na ka surok iaid kali namar ki kali ruh ha kane ka jaka ki bun bha ki nongleit nongwan namar ioh lap ba ki jingjia kiba sngewsih kin wan lap ha kano kano ka por.
Kane ka jinghikai ia ki khynnah skul kumno ban iaid ka dei ha dien ba ki nongniah kali kamai kila pynsngew sha ki bor pyniaid Jongh ka St Paul higher Secondary School halor ka jingpynlong lynti iaid kjat ki khynnah skul iaka surok iaid kali kaba ap jingma.
U bah Markus Marten uba dei u dkhot jong ka Joint Action Committee jong ka All Ri Bhoi Passenger Vehicles ia kaba la iashim bynta bad shim khia lang da kiwei kiwei ki dkhot jong ka kynhun kiba kynthup iaki nongniah auto bad ki nongniah sumo ban pynsngewthuh kumno ban iaid ha suro.
Kane ka jingai jinghkkai ka long kaba la ia shim khialang da ki nongialam shnong bad khamtam ki bor pyniaid skul jong ki artylli ki skul kiba kham heh kiba dei iaid lynti na lad Mawroh kiba kynthup iaka St Paul’s Higher Secondary School bad ka Morning Star Secondary School, kane ka jinghikai ka long ban iai da na kano kano ka jingjia kaba sngewsih.
