Shillong, Naitung 18: Ka jingiakynduh u myntri rangbah ka jylla Meghalaya bad Conrad K Sangma bad u myntri rangbah ka jylla Assam u Himanta Biswa Sarma kala long ha ka sngi Saitjain ha Guwahati, ka jingkylli ka long lano kin ia kren kam pud.
Ha kane ka jingiakynduh ia u myntri rangbah ka jylla Meghalaya la synran lang da u president ka PDF u bah Banteidor Lyngdoh u bah Hamletson Dohling baroh ar ngut ki dei ki myntri sorkar ha kane ka sorkar MDA jong ka jylla Meghalaya.
Ban pynkynmaw ba u Myntri Rangbah ka jylla Meghalaya u la dep ong ba kane ka jingleit ia kynduh ia u mytnri rangbah ka jylla Assam ka long ban leit buh sngi ban ia kynduh ki ar ar ngut ki myntri rangbah ban ia kren ia ka kam pud hapdeng kine ki ar tylli ki jylla.
Shuwa ban leit sha Guwahati ban ia kynduh u myntri rangbah ka jylla Assam u myntri rangbah ka jylla Meghalaya u la khot ia ka jingialang jong ki President ki party kiba ia don lang ha kane ka sorkar MDA ban ia phylliew jingmut bad ki ha kaba ia dei bad kane ka kam pud.
