Agartala, Jymmang 16: Ha ka sngi kaba ar jong ka jingleitjngoh jong u ia ka jylla Tripura, u Myntri Khynnah jong ka sorkarpdeng ba dei peit ia ka Tnad Information & Broadcasting bad Parliamentary Affairs, Dr. L. Murugan u la sdang ia ki kam jong u da kaba ialam ia ka TirangaYatra ha Belonia, South Tripura.
Ia kane ka yatra la pynlong ban rakhe ia ka jingshlur bad ka jingaiti jong ki shipai India hadien ka jingjop jong ka Operation Sindoor, bad ka la khring ia ka jingiashim bynta shitrhem na ki paidbah.
Hadien ka Yatra, u Dr.Murugan u la iakren bad ki lad pathai khubor ha Belonia, ha kaba u la pynskhem biang ia ka jingangnud jong u Myntri Rangbah duh Narendra Modi ba ki shnong khappud ki dei ki shnong ba nyngkong ha ka roi ka par. U la ban jur ïa ka jingphaikhmat jong ka sorkar halor ki jingdon jingem bad ka jingkyntiew ia ka imlang sahlang bad ka ioh ka kot ha ki thaiñkhappud.
Haba pynpaw ïa ka jingtreikam jong ka district, u Myntri u la ong ba 97.55% na kiba don job card MGNREGA ha South Tripura ki ïoh kam, ha kaba 2,083 ngut ki nongïoh jingmyntoi ki pyndep ïa ka jingkular ioh kam ba pura kaba 100 sngi.
U la kdew ba palat 21,889 ngut ki nongrep ki ïoh T. 6,000 shisnem lyngba ka skhim PM-KISAN, katba 3,842 ngut ki la ïoh jingmyntoi na ka PradhanMantriFasalBimaYojana, bad 2,040 ngut ki nongrep ki la ïohïa ki Soil Health Card.
U la ïarohïa ka jingïashim bynta shitrhem jong ki longkmie lyngba 7,486 tylli ki Self Help Group (SHG), bad ka jingdon palat 28,000 ki ‘LakhpatiDidi’ kum ka dak jong ka jingseng kam lajong ha ki jaka nongkyndong.
U Myntri u la pynpaw ruh ïa ka jinglah jong ka district hapoh ka sienjam One District One Product (ODOP), ha kaba ïa ka jingpynmih cashew nut bad ka jingpynbha la pynshlur na ka bynta ban shalan shabar ri hapoh ka rukom treikam ha ka nongrim jong ka Atmanirbhar Bharat.
U Dr.Murugan u la iarohïa ka jingjop ha ka pule puthi jong u SurajBasu, u khynnah skul na kawei ka skul sorkar ha South Tripura uba la wan shakhmat ha ka jylla da kaba ïoh 99.2% marks — ka nuksa kaba ai mynsiemïa ka jingtbit ha ka pule puthi na kane ka thaiñ. U la ban jur ba ka jingkiew jong ka district ka ïahap bad ka jingthmu jong u Myntri Rangbahduh ka ri na ka bynta ka Viksit Bharat.
Hadien kane, u Myntri u la leitjngohïa ka SudhirSarkar Para Anganwadi Centre kaba hap hapoh ka West Jolaibari Gram Panchayat. Ha katei ka jingleitjngoh, u la iakren bad ki khynnah bad ki nongtrei Anganwadi, u la thung ïa u tynrai diengsohmanir ha katei ka jaka, bad u la ïashim bynta ha ka Sadh-vakshan ka jingbam tynrai na ka bynta ka kmie kaba dang pun khun.
La ïadonlang ruh u Myntri ka Tnad iatreilang jong ka Tripura u Shuklacharan Noatia bad ki nongmihkhmat na ka thaiñ. Haba pynkutïa ki kam ha kane ka sngi, u Dr.Murugan u la poi ha Agartala ha kaba u la ïakynduhïa u Myntri Rangbah ka jylla Tripura, Dr.ManikSaha.
