Shillong, Rymphang 20: Ka Vice president jong ka All Meghalaya Domestic Worker Union ha ryngkat ka jingia synrang jong ki para dkhot mynta ka sngi ki la wan sha khmat sa shi sien pat ban pynkymaw ia ka sorkar halor ki mat jingdawa jong ki.
Kine ki mat jing dawa jong ki ki ba la sahteng mynta la bun bun snem. Kane ka Union ka la dawa na ka sorkar ba ka dei ban ithuh noh ia kam jong ki bad kumjuh ruh ban ai ka jingiada ba kyrpang na bynta jong ki.
Ha ba kren sha ki latpathai Khubor ha Shillong Press club na ka liang ka kong Elbina Nongkhlaw ka ba dei ka Vice President jong kane ka union ka la pynpaw ba na ka liang ka union ka la phah la bun tylli ki dorkhas sha ka sorkar jylla kata na duh u snem 2012 ter ter ki ba la shu sahkut tang ha ki almari jong ka sorkar Jylla.
Namar haduh mynta khlem da lah ban pyntrei kam haka ba iadei bad ki mat jing dawa jong ki ban ithuh noh ia ka kam ba ki trei bad kum juh ruh ban ai ka jingiada ka ba kyrpang na ka bynta jong ki.
Ka kong Nong khlaw ka la ong ruh ba la da ki kum Ki nongtrei iing briew ki don ia ka ai ka ban ia da na ka bynta jong kan pyn long ia ki ba kin sngew shngain ha ka kam. Ka la ong ruh ba na ka liang ka Sorkar ka la kynthup lang ia ki ha poh ka tnad Labour hynrei ki la pynpaw ba kim da sngew iahap ia kane.
Kala ong ruh ba na ka liang ka Union ka la phah ia ka dorkhas sha ka sorkar hynrei kim shym la ioh ia kano kano ka jubab na ki ka la ong ruh ba ha ka ba iadei bad ka dor ne ka bainong ka ban ia ryngkat hynrei na ka liang ka sorkar kam shym la leh eiei, kumta na ka liang ka union ki la hap ban madia ka ka jingeh ka ba khraw.
Ka la buhr uh ka jing kyrpad ia ka sorkar ba la da ka long ka ba lah ba kan iarap ha ka ban lum ban lang ia baroh ki nong trei iing briew tang ha kawei ka shatri jong ka union khnang ban lah ban ai ka jingiada ia ki bad kum juh ruh khnang ba lah ban pynpaw ia ki jing eh jong ki ki ba ia kynduh.
