Shillong, Jylliew 04: Ka jingieid ïaka Mei Mariang kam dei tang haka sngi Rakhe ïaka World Environment Day, hynrei ka dei ban rung bad ban don ha dohnud bad haka jingim ka jong ngi kaba manla ka Sngi : KSU Mawlai Circle.
Ka KSU Mawlai Circle haka 4tarik Jylliew 2022 kala ïoh ban pynlong ïaka jing Rakhe ïaka sngi pynneh Mariang kaba hap ha ka 5tarik Jylliew 2022, hynrei namar ba katei ka sngi ka hap haka sngi U Trai, kumta naka liang ka Jylli kala pynlong noh haka 4tarik U Jylliew.
Hashwa ban ïaid shakhmat shaphrang ïaka jing Rakhe ïa katei ka sngi la don shwa ka jingïalang ba lyngkot ha Lad Mawlai Bypass haka shnong Mawlai Mawkynroh Umshing. Ïaka jingïalang la pynïaid da u Samla Lambert Roy Shabong Environment bad Cultural Secretary KSU Mawlai Circle.
Ha kane ka sngi la ïoh ïaka jingkren na u Bah L.Nongkhlaw haka jing ïa synranlang jong I Secretary jong ka Shnong ryngkat ka jing synran lang jong ki dkhot jong ka Executive Committe jong ka Dorbar Shnong.
Shwa ban ïaid shakhmat ïaki program, khatduh la ïoh ka jingkren na u Samla Biangbor L.Paliar uba dei u President jong ka KSU Mawlai Circle ha ryngkat ka jing ïadonlang kiwei ki nongkit kam.
Haba ai jingkren ha katei ka sngi naka liang kitei ki Arngut ki nongïalam kila pyn kynmaw ba kum ki khin bynriew ngi dei ban sumar khuid bad ïai pyn jyrngam ïaka Mei Mariang bad kumjuh ruh ngi dei ban kiar na kaba shna ïing hajan rud wah namar kane kan pynrit ïaki wah bah bad kan ktah ruh ïaki doh um doh wah kiba ju jngi laitluid haki wah kiba dang jngai na ki shnong bad ki ïing ki sem.
Ngin hap long ki nuksa ïa kiwei ba ngin ym dusmon ïaki sawdong sawkun jong ka Mei Mariang khnang ban pynneh pynsah kumba ka long bad lada ngi khura than kan long kylla ka jingtim ïaka pateng ka ban sa wan.
La pynshngaiñ ïa katei ka sngi da ka jing ïadonlang jong u Samla Barikular Nongsiej Chairman Environment & Cultural Cell jong ka KSU Sengkmie ha ryngkat ka jinwan synran lang jong ki dkhot jong katei kka Cell.
Ha katei ka sngi la ïoh ban thung dieng ha khlaw Syiem jong ka Hima Mylliem bad kumjuh ruh ban pynlait Dohkha da U Samka Barikular haka Wah kaba don ha Mawlai Bypass bad kaba wan tuid na NEHU, Khatduh naka liang jong ka Jylli kala ïoh ban punkhuid ïaki shi lynter jong ka Mawlai Bypass naduh Mawlai Mawkynroh Umshing shaduh Mawlai Mawïongrim.
Ban long ruh kum ka jinghikai la wah ia ki jingthoh ki ban long kum ka jing hikai ïaki paidbah ba kin kiar na kaba bret pathar ïaki jaboh ha katei ka surok khamtam kito ki ñiut kiba la song bha haki plastik kaba pynlong pat ka jing isaitmet ban peit haba ïaid ba ïeng na katei ka surok bad ka ban pyni lehraiñ haba īohi ki nongjngoh kai pyrthei haba ki ïaid nangtei.
Kyntang ïawai naka liang ka Jylli ka khot ka wer ïa u Paidbah jong ka Shnong Mawlai bad khamtam ïa u Paid ka Bri U Hynñiewtrep ba kin kiar na kaba pathar sharud shakiar ïa ki tiar ba ngi ladep pyndonkam. Kane ka long katkum kyrwoh bala pyllait da u samla Macdonald Jitem Publicity Secretary KSU Mawlai Circle.
