Shillong, Nailar 22: U Myntri ba dei peit ia ka tnad rep u bah Banteidor Lyngdoh ha ka jngialang paidbah ban pynshai ha kaba ia dei bad ka jingpynmih biang ka sorkar ban shah biang ban die ia ka dawai Urea kam dei kaba suk ban pynsngewthuh bad ban wanrah ia ka jingiasngewthuh lang namar ka jingiakren ka long bad kiwei ki tnad sorkar ruh.
U bah Banteidor la ong ba ki kot khubor phareng ki thoh man ka por sha phang kane ka dawai ba balei ka sorkar ka mut ban pynshlur ban wan rah biang bad mynta ka sngi ruh ka dang mih kotkhubor ba balei ka sorkar ka wan rah biang ia kane ka dawa, ha kaba la kynnoh ba ka dei tang ka kam pynbiej elekshon ban pynmih ia kahukum ha u bnai Risaw.
U Myntri ka tnad rep ka sorkar jylla la ong ba lada long kila dei ban pynmih naduh u snem 2018 ia ka hukum hynrei kumba la pule da ka Districtor ia ka hukum ka long ba kane ka dawai ka ktah ia ka koit ka khiah, haduh katno ka ktah ia ka koit ka khiah ki nongrep ki sngewthuh ia kata.
Haba ia dei bad kane namar u bah Banteidor namar u mih khmat ia ka konstitwensi jong ki nongrep, haba ki nongrep ki ud ki nam hap ban sngap, hynrei ban sngap tang ia ka konstitwensi la jong kata ka dei kaba bakla hynrei hap ban sgnap lang ia baroh.
U bah Banteidor la ong ba ki nongrep ki pynangpynstad ia ki khun na ka rep bad ka jingrep ia u phan, kubi, phulkubi kam dei kaba malu mala ha kine ki jaka,a shiliang um ka jingrep ka long kaba jur. La ong ba lada kane ka kam ka duhnoh ka dei ka jingiap thngan kum ka jaidbynriew.
Ka jingthir halor kane kam dei kaba suk namar kita kiba la nang lastad ki don kam ne kim don kam ia ki nongrep kim sngewthuh, la ong ba ha u snem 2014 lada ka don ka jingiasylok bad ki nongrep kin nym pynduh ia kane ka dawai, ka jingpynduh ia ka dawai Urea dei bala iaid lait da kita ki heh kiba shong ha Secretarait, la ong u bah Banteidor.
Kane ka jingleh khlem da pyrkhat shuh ia ki paidbah naduh u snem 2018 ba u shimti kum u myntri sorkar u la ia kren bad ki seng nongrep bad ki nongrep ryngkat ka ophis jong ka tnad rep bad ka jingiakren kala sdang, ka jinglah pyn pynkonguh ka dei ha ka por khangdam ba ki ioh ia ka jingkhein ha kaba ia dei bad ka rep.
Ka tnad rep kin leit ban pynshai paidbah ha kaba ia dei bad ka rep ka riang bad la shai ka sngi un leit sha Delhi ban ia kren bad u myntri ka rep ka riang jong ka sorkar pdeng ban ong ba mang noh ia ka jingmang ia ka sboh Urea, kaba sngewsih ka long ba don kiba ialam bakla halor kane. Kiwei kiba la kren ki long ka Direictor ka tnad rep kong R Majaw, u sordar shnong ka Tynroit bah Harkin Warjri, u bah Egensatar Kularkalang bad da ki spah ngut ki paidbah kila la wan ban sngap ia kane ka jingpynshai ha kaba ia dei bad ka jingioh biang ban pyndon kam ia ka sboh Urea.
