Shillong, Nailur, 12: U bah Fredrick Lyngdoh Tongkhar, General Secretary ka Meghalaya 4th Teacher Association seng kmie u pynpaw iaka jingbym sngewiahap halor kaei kaba kila iohi bad la iohsngew iaka jingkren jong u President ka Voice Peoples’ Party uba la dawa ban weng ia u Vijay Kumar Mantri, Commisioner bad Secretary ka tnad pule puthi.
Ka jingdawa ban weng noh na ka shuki jong u, ki kum ki Fourth Teacher ki pynpaw iaka jinglap shem jong ki ba u Vijay Kumar u long uba trei shitom bad uba kwah ban wanrah iaka jingbha ia baroh, kum ki nonghikai.
U la ong ba hashwa ban shim ia kano kano ka rai ki lap ba um ju shim hi iaka rai marwei hynrei u da khot lang ia kiba don bynta ha ka kam bad sa shim lang iaka rai na ka bynta ka jingbha lang jong baroh ki nonghikai.
Kane ka jingpynbeit thymmai iaka jingsiew tulop kaba kila ioh mynta kaba la pyntreikam ki ngeit ba kala pynkylla long ia baroh ki nonghikai kiba la pyndep iaki jingpule jong ki bad ki ioh ka jingsiew katkum ka jingtreikam ka jong ki.
Ki tip ba ha ki por ba la dep ba ka jingsiew hapdeng ki skul bapher bapher ka long ka jingbapher bakhraw bha, hynrei lyngba kane ka jongpynbeit thymmai iaka jingsiew iaka tulop, ki pynpaw ba kane kam don kano kano ka jingshah shiliang na ka bynta baroh ki nonghikai kiba trei katkum ka jinghikai ka jong ki.
Te kumta ban ong ban weng noh ia u Commisioner Secretary ka tnad pule na ka shuki kim sngew iahap namar lyngba jong u ki tip ba ki don shibun bha ki kam ban phah sha ka sorkar na ka bynta ban kham pynjanai shuh shuh ia kane ka rukom siew tulop kaba thymmai.
Lyngba jong u Vijay, ki pynpaw ka jingsngew nguh ruh iaka sorkar ba ka ialeh shitom kat lah kat iai kumno ban pynbha na ka bynta ki nonghikai ha kiba bun ki liang da ka jingdon une u ophisar uba shim iaka jingkit khlieh ha ka pule ka puthi.
