Shilling, Jylliew 30: Ka Meghalaya ruh 
kala rung lang hapoh jong ka Bharat Net ia kane ka rai la shim da ka sorkar pdeng mynta ka sngi, kane ka long katkum ka jingkren jong u myntri rangbah ka jylla u Conrad K Sangma ha ka Twitter.
Ka sorkar pdeng kala shim ia ka rai ban dang pyniar shuh shuh ia ka jingtreikam jong ka Bharat Net ha ki 16 tylli ki jylla ha ka Ri India bad kawei na ki ka dei ka jylla Meghalaya, na ka liang jong u myntri rangbah u ai ka jingkhublei ia ka sorkar pdeng halor kane.
U Myntri rangbah ka jylla u Conrad u la ong ba kane ka jingshah jied jong ka jylla Meghalaya ha ka Bharat Net kan long ka jingaibor ia ki shong ki thaw ha kane ka jylla bad kane ka wanrah ia ka jingkylla ha ka jingpyndon kam ka Internet.
U Conrad K Sangma u phah ka jingkhublei kaba kyrpang ia u myntri rangbah duh jong ka Ri India halor kane ka jinjied ia ka jylla Meghalaya bad kane ka jingpyntrei kam ia kane kan long ha ka dur jong ka “Public Private Partnership” .
