Shillong, Jymmang 28: Mynta ka sngi ka Joint Action Committee Boundary of Meghalaya (JACBOM) mynta ka sngi kila leit ban pynlong ia ka jingialang paidbah ha shnong Mawlasnai ban pynshai paidbah ia ka jingpyrshah ia ka sorkular kaba ka sorkar kala ia soi haki hynriew tylli ki jaka.
U Bah Erwin Sutnga shongknor ka JACBOM la ong ba ka rai kaba kila shim ha kane ka jingialang ka long ba ki pyrshah ia ka Soskular kaba la ia soi ha ki hynriew tylli ki jaka hapdeng ka Assam bad Meghalaya, ka rai kaba ar ka long ba ka sorkar kam dei ban ktah ia ka bynta kaba ar ha ka jingiakren pynbeit pud khlem pynbeit ia ka soskular ba la dep soi.
Kum ka jylla kala duhia ka Blok-I bad ka Blok-II kam dei tang kine ki jaka lada ia kren ban ia pynbeit ai ba jingpynbna 1951, ka jingpynbna kaba 148, 149 , 151 pynduh noh ia ki ain kin wan noh shuwa shane, hangta kin sa ia peit kino ki jaka ba sah ki khasi nagta kin sa ia peit.
Ka JACBOM ka kyntu ia ka sorkar ba ka ei ban register ei ia ki jaka ba donha khappud bad ka jylla Assam, ha kane ka jingialang la khot ia baroh ki MLA bad ki MDC hynrei ba poi sha kane ka jingialang dei tang u bah Charles Marngar.
Ha kane ka jingiakren pud mynta ka sorkar kala pynbna ba kan bud ia ki saw tylli ki bynta, ka history, ban biang ka shynshar khaddar, ka jinglong katkum ka jaka bad ka mon jong ki paidbah.
Haba ia dei bad ka jingbakla ha ka soskular kaba nyngkong na ka liang jong ka JACBOM kala pynkhreh mynta ban pynbiang ia ki kot kisla ban mudui sha Supreme Court, katkum ka jingpynbna jong u snem 1876 bad ka jingpynshisha ba ki briew ki kwah ban wan Meghalaya.
U shongnor jong ka JACBOM u bah Erwin Sutnga haba kren ia ka soskular kaba ka sorkar kala ia soi la ong ba ka iing bishar kaba ha khlieh duh jong ka Ri India kan long ka nongbishar bad dei tang ka supreme court kaba dei ban shim ia ka jingbishar. Ngi don ka jingkymren ba ka iing bishar kaba khlieh duh kan sngap.
Haba ia dei bad ka jingkhih halor ka khappud ka juh long man ka por ynda la jan ka elekshon, halor kane u bah Erwin la ong ba dei ban kylli na u myntri rangbah ka jylla boi soi ia ka soskular, ha kane ka sngi da ki spah ngut ki briew kila poi sha kane ka jingialang kum ka dak ban kyrshan ia ka JACBOM.
