Shillong, Nailur 02 : U bah Lahkmen Rymbui myntri ba dei peit ia ka pule puthi jong ka sorkar jylla ha ka jingialang kaba la long mynta ka sngi la shim ia ka rai ban thoh sha ka University Grant Commission ban rah shuwa ban pynlong ia ki eksamin jong ka Under Graduate bad Graduate sha u bnai Risaw 2020.
Haba kren ha ki lat pathai khubor la iathuh ba ha 7th Naitung 2020 ka UGC kala pynmih ia ka jingpynbna ba ia ki eksamin jong ka Under Graduate bad Graduate dei ban pynlong noh hapoh ka 30th Nailur 2020 bad haba ia dei bad kane saw tylli ki jylla kila leit ban ujor sha ka iing bishar kaba ha khlieh duh jong ka Ri India.
Halor kane ka jingujor ka Supreame Court ka la ai ia ka rai baka long kaba donkam ban pynlong ia ka exam hynrei ka Supreame Court ka la ai ruh ia ka rai ba ia ka exam lah ban pynjlan por khynniat bad ban pynjlan ia ka ne ka exam ki dei ban pan jingbit na ka UGC.
Halor kane na ka liang jong ka sorkar Meghalaya kala pynlong ia ka jingiakren bad ka Nort Eastern Hills University ban ia mir jingmut bad ha dien ka jingiamir jingmut la shim ia ka rai ban thoh sha ka UGC bad ia ki eksamin dei ban pynlong naduh ka 7th Risaw haduh ka 30th Risaw 2020 bad ha ka 31st Risaw 2020 dei ban pynmih noh ia ka Result.
ki khynnah ki lah ban ialeh ia ka exam online ka ba ka NEHU kan leh ia ka ba donkam ha ka ba iadei bad ka jingpynbiang ia ki jingkylli bad ban shim ia ki answer ruh na ka bynta ki khynnah ki ba kwah ban leh ia ka exam online , hynrei na ka bynta kito ki khynnah ki ba ym lah ban leh ia ka exam online ki lah ban ialeh ia ka exam ofline ha ki exam Center ba ka NEHU kan pynbeit..
Na ka bynta kiba pule ha ka kyrdan Post Graduate baroh ki dei ban leh exam online hynrei na ka bynta ki khynnah ki ba dei na Rilum Garo ki bym kwah ban wan ban leh exam Ha Shillong ki lah ban leh ha ki exam center ki ba don ha Garo Hills District.kat ba ia ia ki khynnah ki ba dei nabar ka jylla kin hap ban leh ia ka exam lyngba ka online.
Ki khynnah ba na shabar ka jylla ki ba hap ban leh ia ka ne ka exam Post Graduate ki don kumba 700 ngut bad na ka bynta ka Under Graduate ki don kumba 3000 ngut ki khynnah ki ba hap ban leh ia ka under Graduate exam ki don kum ba 22000 ngut bad 2000 ngut ki Post Graduate.
