Shillong, Nailur 02: Mynta ka sngi kala don ka jingjia kaba sngewsih ha kaba kawei ka kali Sumo na ka shnong Tynger kaba don sha rum Mawsynram kala kylla sha riat bad ha kane ka jingjia ba sngewsih san ngut ki briew kila dun ei ia ka jingim bad 18 ngut kiwei pat kila mynsaw.
U Bah Stephan Rynjah SP City jong ka East Khasi Hills District u la iathuh ba san ngut ki briew kila duh ei iala ka jingim bad kita ki long kongNancy Laithma 38 snem, Aitldabon Jeengaph 70 snem, Sillamery Katrai 52 snem,u Hawanpynshalilang Laithma 12 snem kine baroh ki dei na ka shnong Dewsaw bad Bisilo Rodborne 37 snem na ka shnong Tynger.
Ia kiba mynsaw baroh la pynkit sha Mawsynram CHC ban ioh ia ka jingsumar bad ia kiba la mynsjur la pynkiew noh sha Civil Hospital Shillong, la ong ba kane ka sumo ka mih na shnong Dewsaw kaba don sha rum tynger bad haba kala poi sha neng jong ka shnong kala kylla sha riat. Na ka liang jong ki pulit kila pynlong ia ka jingtohkit halor ka kylla kane ka kali.
