Shillong, Nailur 12: U bah Latiplang Kharkongor MDC jong ka Nongthymmai Konstitwensi ba dei jong ka Khasi Hills Autonomous District Council (KHADC) u la khlad noh mynta ka sngi ha dien ba ka jingpang kala bat ia u katto katne por.
U bah Latiplang u la jop nyngkong ia ka MDC na ka 16- Malki-Nongthymmai MDC Konstitwensi ha u snem 2004 bad 2009 la jop na ka party KHNAM, 2009, ha u snem 2014 u la jop na ka 16-Nongthymmai na ka party KHNAM.
Ha u snem 2019 u la jop na ka 16-Nongtyhymmai MDC u la jop kum u kyrtong shimet, dei ha ka 22/Naiwieng/2019 bad u la neh ha kane ka kam kum u CEM jong ka KHADC haduh ka 07/ Rymphang/2020.
Ha kine ki snem jong ka jinglong MDC u la ioh ruh ban don ha ka Executive Committee bad ha kane ka EC kaba mynta u la don lang ha ka liang synshar haduh kane ka sngi jong ka jngkhlad noh ka jong u kum u MDC jong ka KHADC.
