Shillong, Nailar 01: U Dr. Phlour . W Khongjee 62 snem u MLA barim jong ka Sohra u la khlad mynta ka sngi. U ne u riew rangbah u la mih khmat ia ka Sohra kum u MDC ha u snem 2004 haduh 2009 bad kum juh kum u MLA na u snem 2008 haduh 2013 na ka seng Congress.
U Chief executive Member jong ka KHADC u bah Titosstarwell Chyne u ba dei ruh u MDC jong ka Sohra u la phah ia ka khubor sngewlem sha ka kurom ki khun kiba ha iing ha snem halor kane ka jingkhlad noh u Dr, Phlour.
U bah Chyne u la ong ba kane ka jingkhlad noh jong u Dr. Phlour ka long ka jingduh kaba khraw ia ka Sohra baroh kawei, kum u nongmih khmat paidbah, kum u MDC bad MLA u la noh syniang shibunha ka imlang shah ha bad kane ka jingkhlad ka long ka jingduh ia ka thain baroh kawei.
Kiwei ki nongialam seng sain pyrthei kiba la phah ia kane ka khubor sngewlem, ki long u Myntri rangbah ka jylla u Conrad K Sangma, u myntri ba dei peit ia ki kam bor ding u James K Sangma, u nongialam ka liang pyrshah u Dr Mukul Sangma, kine kila pynpaw ia ka jingsngewsih halor kane ka jingkhlad noh jong u Dr. P W Khongjee.
