Shillong, Naitung 22: U Superintendent ki pulit jong ka East Khasi Hills District u bah S. Nongtnger IPS, la bthah ia baroh kiba niah kali ne kiba niah ia ki ar shaka ba kin bun ia ki kyndon niah kali, kino kino kiba pynkhein kin shah pynshitom katkum ki ain.
Ha ka kyrwoh kaba la pynlait mynta ka sngi na ka ophis jong u Superintendent ki pulit ka East Khasi Hills District la ong ba kiba niah ia ki kali arshaka ki juh mlieh ban pynkhien ia ki kyndon da kaba rung ha ki surok ba dei ban iaid tang shiliang ruh.
Kiba niah ia ki kali ar shaka la juh iohi ba ki juh mlieh ban iaid na ka lianh ka diang ruh bad kane ka buh ia ki nongleit nongwan bad khamtam kiba hiar ha ki kali ha ka jingma kaba khraw ba ka wanrah ia ka jingmynsaw bad sha ka jingiap ruh.
Halor kine na ka liang jong ka ophis jong u SP ka East Khasi Hills District kala ia baroh ban bud ia ki kyndon haba niah kali ban lait na ki jingjia kiba sngewsih bad ia kiba pynkhien ia ki kyndon yn pynshitom katkum ka ain.
