Shillong, Iaiong 15: Mynta ka sngi u Rev. Dr.S.Hayong haba kren kum u riewshemphang ha ka jingiamir jingmut kaba la pynlong da ka shnat wat bniah jong ka seng Khasi Jaintia Welfare Association (KJWA) halor ka phang Phrang Thoh la ong ba bun ki ‘Thesis’ kiba la thoh da kiba la ioh ia ka kyrdan doktor ha ka kot ki sah kut tang ha poh ki skul bah.
Haba kren ia ka rukom thoh ia ki kot ban pule, u la pynsngew ban thoh kot dei ban don ia ka sap bad ka jingtbit bad ban tip ia ka phang bad kata kaba ki thoh dei ban long ban buh ryntih ia kaei kaba don na ka bynta ka jingtip ki pateng ban wan, ha ka juh ka por kata ka jignthoh kadei ban ktah ia ka imlang sahlang.
Kumba ka long mynta kila don shibun kiba la thoh ‘Thesis’ ban ioh ia ka kyrdan Ph.D hynrei kaba sngewsih ka long ba ia kine ki jingthoh la shu kut noh tang hapoh ki skul bah bad kim don kata ka jingktah pat ha ka imlang sahlang, u pynsngew ba ka long kaba don kam ba ka jingthoh ka dei ban ktah ia ka imlang sahlang.
Ha ka jingkren u bah Powel D Sohklet Secretary ka Shillong Press Club kum u kongsan ha kane ka sngi la ong ba kum ka jaidbynriew Khasi ki duna bha ki nongthoh kot, katmut tang ba thoh kot, hynrei wat ia ki jingthoh kum ki artikle ruh ki duna bha u kyntu ba long kiba shlur ban thoh.
Ha kane ka sngi u bah SS Rynjah u la iathuh ba kum ka seng KJWA kala dap mynta 46 snem bad kane ka shnat wat bniah kala dap 10 snem, ha kine ki shiphew snem kila leh iaki kam kum ka jingri ngap, ka Phawar bad ka jingthoh ia ka kot Kramer naduh klass 1 haduh klas XII.
Ia ka jingkren pdingburom la aid a u Principal ka Seng Khasi College, ia ka jingialang la pyniaid da u Dr.A J Lymba ha ka kylla step bad ha ka kylla miet u nongkren ba kongsan la kren da u Prof. KS Nongkynrieh, ia ka jingialang la pyniaid da u Dr. AJ Lymba bad ia ka jingkren ai khublei Dr. A.W Rani.
