Shillong, Risaw 13: Ki nongialam ka JSU ha ka jingialam jong u secretary ba peit ia ka shnat ba ia dei bad ka ioh kam ioh jam u bah Bocheru Mi Pohsnem ki la leit ban ia kynduh ia u myntri ka tnad ka koit ka khiah u bah Wailadmiki Shylla ban iakren ia ka jaka thoh eksam ka Meghalaya Medical Services Recruitment Board (MMSRB) kaba dei ia ki Nurse.
Ha kane ka jingiakynduh na ka liang jong u myntri ka tnad ka koit ka khiah u la ai ka kular ba ia kane ka dotkhas yn phah sha ka sorkar bad ban buh ia ka jaka toh eksam MMSRB ha Jowai bad la ong ia ki ophisar ba kin peit ia kaba don kam ba ki samla la Jaintia Hills kin nym kynduh ia ki jingeh haba toh ia ka eksam nurse.
Na ka ka liang ka seng JSU ka pynpaw ia ka jingsngewnguh ia u myntri bala shim khia ia kane ka bynta namar kane kan long ka jingkyrkhu ia ki paidbah ka Jaintia Hills ha kiba bun ki liang ba ki samla kin thoh noh ia ki eksam ba ia dei bad ki kam nurse ha Jowai kane kan iarap shibun ia ki long iing.
Ka seng JSU ka don ka jingkit khlieh na ka bynta ki paidbah ka Jaintia Hills ban peit ba kis amla ka thain kin ioh ia ka bhah ka jong ki bad kan kyntiew ia ka pule ka dangle ka jong ki ha ka jaka ba kin kynduh jingeh tang kaba leit ba wan, la ong u samla Bocheru Mi Pohsnem Education Secretary ka JSU Central Body ha ka kyrwoh.
