Shillong, Lber 02: Ki shipai BSF kiba don ha Meghalaya kila long kiba peitngor ban pynthkina ba ki kam khaii beain sha Bangladesh na kane ka jylla Meghalaya kim dei ban ioh lat, ha pdeng ka jingpahara ki nongkhaii beain ki dang tur ha kaba ki shipai kila ioh ban kem.
Ha kane ka jingioh kurup ia ki mar khaii beain sha Bangladesh kala kot sha ka T.61 lak tyngka. Kane ka jingioh ban kurup ia ki mar khaii beain ka long ha ka jingiatreilang ha pdeng ki BSF bad ki pulit ha South Garo Hills District kaba la kot T.41 lak tyngka katba ha West Jaintia Hills la ioh kurup T.20 lak tyngka.
Kine ki mar khaii beain kiba la ioh ban kurup baroh ki dei kiba la buhrieh da ki nongkhaii beain ha ki khlaw ban ioh ban phah sha Bangladesh, na ka liang jong ki BSF kila dang pynkhlain ia ka jingpahara ban khanglang ia ki kam khaii beain.
