Shillong, Iaiong 30: Ki shipai BSF kila ioh ban pynlait 28 tylli ki masi na South West Khasi Hills District katba ki nongkhaii beain ki dang pyrshang ban phah sha Bangladesh, kane ka jingkurup la ioh da ka jingiatreilang bad ki pulit ka jylla.
Ia kine ki masi la kit ha ki ar tylli ki kali Bolero Pickup, ki BSF kila kem ia u nongniah kali bad ia u nongbud ia kine ki briew ar ngut kiba la kem la aiti sha ki pulit jong ka Dangngar Police Station ban leh ia kaba don kam katkum ka ain.
Ha kawei pat ka jingia treilang ha pdeng ki pulit ka jylla bad ki BSF ha South Garo Hills District kila ioh ban kurup haduh 16,000 kilo u shini bala buh ha kawei ka khap iing ha khlaw aba hap hapoh Rongra Police Sation, ia u shini bala ioh ban kurup na khappud Bangladesh la aiti sha ki pulit ban leh ia kaba don kam.
