New Delhi, Iaiong 09: U Myntri Rangbahduh, Narendra Modi mynta ka sngi u la ïarohïa ka jingdap 10 snem ka PradhanMantri MUDRA Yojana, da kaba khot ïa ka kum ka jingïaid lynti jong ka “jingpynkup bor bad ka jingsengkam.” U la ong ba da ka jingkyrshan kaba biang, ki briew jong ka ri ki lah ban leh ia ki kam ba phylla.
Naduh ba la sdang ïa ka, ka MUDRA Yojana ka la ai palat 52 klur ki ram khlem da donkam ban buh bynda ba shongdor T. 33 lak klur, ha kaba jan 70% na ki ram ki leit sha ki kynthei bad 50% ki ai jingmyntoi ïa ki nongseng kam ba dei ki SC/ST/OBC.
Ka la ai bor ïa ki trai jong ki kam kiba nyngkong eh da kaba ai ram T.10 lak klur bad ka la pynmih lad ioh kam palat 1 klur ha ki lai snem ba nyngkong. Ki jylla kum ka Bihar ki la long kum ki nongialam, ha kaba la mynjur haduh 6 klur tylli ki ram, kaba pyni ia ka jingngeit kaba khlain jong ka jingseng kam seng jam ha kylleng ka ri India.
Haba jubabïa ki X thread jong ka MyGovIndia shaphang ka bynta ba kongsan jong ka Mudra Yojna ha kaba pynkylla ïa ki jingim, u Myntri Rangbahduh u la ong;
“10YearsofMUDRA ka la long shaphang ka jingpynkupbor bad ka jingseng kam seng jam.Ka la pyni ba lada ai jingkyrshan kaba biang, ki briew jong ka ri ki lah ban leh ia ki kam ba phylla!”
