SHILLONG,K’Lyngkot,29: Ka Bharat Sanchar Nigam Limited (BSNL) ryngkat bad ki dkhot jong ka,ki la sdang ban leh ia ki kam isynei da ka jing noh synniang da ka pisa sha ki khunswet jong ka A W Thomas Jones ka jaka ri khunswet kaba don ha Jaïaw Lumsyntiew.
Ha kane ka sngi u DP Singh uba dei u Chief General Manager(CGM) ka BSNL ula aiti ia ka pisa ba 40 hajar sha u Rev N S Phawa uba dei u Senior Admistrative Secretary jong ka KJP Assembly kum shi bynta ban ai jingiarap ia ki khunswet.
Ha kane ka sngi u DP Singh ula ai jingkren sha ki khynnah khunswet da ki kyntien sneng ktien kraw ula ong ba ka jingim jong ngi baroh ka long kum u soh lada u hap ha madan u pyut kumta ka jingim jong ngi ruh ka long,ngi dei ban im barabor ka jingim kaba bha ban don ka mynsiem ia tip lem,ban iarap iwei ia iwei pat bad burom ia kiba sumar ia phi.
Don ruh ki khep ba ngi sngew duh jingkyrmen ha ka jingim hynrei ym dei ban dei ban klet ban ainguh ia u Blei namar baroh ka dei ka jing pyniaid ba stad jong u,u Blei uba khraw bor ula u iohi iwei pa iwei lyngba ki jingtrei shitom, namar kata ngi dei long kiba trei shitom ba kin poi sha ka thong bad kum ki khynnah kiba dang don bun ka por dei ban pule bha ia ki jingpule ioh poi sha ka kyrdan ba kham shalor namar ka dei kane ka por ba ka lawei ba phyrnai.(SP News)
