Maramot ka seng JSU ia ka surok ba leit sha ki saw tylli ki shnong namar bym leh ei ei ka PWD

Shillong, Jymmang 2: Ka seng JSU-South Border Zone hapoh ka jingialam u President u samla Ajoyminson Lyndgdoh lem bad ki dkhot ka SBZ bad lah iadon ryngkat bad ki dkhot ka JSU seng kmie lem bad ki nongialam ba ha khmat ka JSU seng kmie naduh u President rangbah ka seng u samla Jersom Shylla bad u General Secretary ka seng u samla Treiborlang R Suchen.

Ki dkhot ka seng JSU kim lah shuh ban iohi bad iohsngew naka por shaka por iaka jinglong jingman u ne u surok u ba lah sniew shaba palat bad u ba lah bun jingeh shibun khamtam ia ki saw tylli ki shnong kata ka shnong Hingrai,Huroi,Lahalein bad Lejri.

ki dkhot ka seng ki don ka jingsngew kaba khia iaka jingshah ieh beiñ kine ki shnong kiba don sha khapud bad ki dkhot kim ban se ban leit hi noh da ban iohi da laki khmat bad pyntrei hi noh da ki dkhot ka seng ban pyndap maw bad khyndew iaki jaka ki ba lah sniew palat ha katto katne tylli ki jaka kiba lah ban sah kut kali haka por slap.

U President ka JSU-South Border Zone u lah ong ba ba une u surok u lah wan rah shibun ka roi ka par bad lah bunsien u paid nongshnong kane ka thaiñ ki lah ud ki lah nam hynrei ka sorkar kam pynsgap satia bad kaba kham pyn sngewsih ka long ba ka sorkar haduh mynta myne ka dang buh teng sah ban trei mardor ia une u surok.

Ki nongshnong kane ka thaiñ ki kynduh shibun ka jingeh naduh haka pang ka shitom, ka bah ka kit iaki mar rep sha iew sha hat namar ki kali haki por slap kim lait ban iaid lyngba une u surok wad ki kali heh ruh ki shem jingeh haduh katta katta namar bun ki jaka ha une u surok ki dap um bad shong ktieh kaba rben bha bad ka buh iaki kali ha jingeh ban iaid lyngba.

U President ka JSU South Border Zone u lah buh jingkylli iaka sorkar jylla daka ong ba balei ka sorkar ka juh ong iakane ka kyntien ba ka pisa ka bun ban pyntrei iaki surok hapoh ka jylla hynrei balei pat ka sorkar dang leh meinah iakane ka thaiñ kiba don sha khap pud.U lah ong ruh ba na ka liang ka seng kan iaid sha khmat ban bud dien ia une u surok badka sorkar kan shim khia noh ban wad ki lad ki lynti ban pynbha noh mardor.

 

What Next?

Recent Articles

Leave a Reply

Submit Comment

*