Shillong, Rymphang 27: U Bah Shakliar Warjri myntri ba dei peit ia ka tnad ialehkai haba jubab ia ka jingkylli jong u bah Charles Marngar la ong ba la mang pisa T.5.50 klur na ka bynta ka snem 2023-2024 hapoh jong ka skhim Chief Minister Youth Development Found.
Haba jubab ia ki jingylli u myntri la jubab ba na ka bynta ka ophis Deputy Commissioner ka East Khasi Hills District bad West Garo Hills ka jingmang pisa ka long mar T.30 lak tyngka katba ia kiwei ki District ka long mar T.17 lak tyngka.
Ki kam kiba lah ban pynlong lyngba ka jingiarap pisa na kane ka skhim kan long kano kano ka jaitkam tang ba ka dei ban don ka jingiadei bad ki samla, kano kano ka seng kaba la register hapoh DC ophis ki lah ban apply na kane ka skhim.
Ia ka jingleit kaba hapoh ka T.2 lak tyngka kan long hapoh DC ophis, ia kiba T.2 lak haduh T.3 lak tyngka kan long ha ophis Director bad ia ki aplikoshon kaba la palat iaka T3. Lak haduh T.5 lak tyngka kan long ha poh ophis ka sorkar.
Baroh kiba la ioh ia kane ka skhim haduh mynta ki long 36 tylli ki kynhun kiba la ioh, na ka liang jong u bah Charles Marngar u la kyprad ia ka sorkar ba kan mang kham bun ka pisa namar ki don san tylli ki District katba kiwei ki District ki don ar lane lai ki Konstitwensi.
