Shillong, Risaw 15: Ka kong Deborah Marbaniang President ka Joint Action Committee kala ong ba ki pyrshah ia ka Ropeway kaba la shna ha Lum Shillong bad halor ka shithi kaba kila ioh na ka tnad jngoh kai pyrthei mynta ka sngi 15/Risaw/2026 kila leit ban ia kynduh ia ki ophisar jngoh kai pyrthei bad kila ia kren ia kane ka kam.
Ka daw jong ka jingpyrshah ka long ba une u Lum u ai ia ka um bam um dih kaba khuid ha Shillong ba wat ka Shillong Municipal Board bad ka tnad sam um ki don ia ka jaka ban ring ia ka um ban pynbiang um ia ka sor Shillong na u Lum Mawjneh bad ka jingdon ki khlaw bad ha kine ki khlaw ki shong ki mrad kiba lai phew jait.
Ka kong Deborah Marbaniang kala ong ba ki dawa ba ia kane ka Shillong Ropeway Project dei ban sangeh shi syndon bad kala pynskhem ba da lei lei kin nym ai bad ha kane ka jingiakynduh bad ka sorkar ki dawa ba dei ban sangeh mardor katkum ka JAC kim kwah ia ka Ropeway ha u tei u Lum ki don shibun ki jaka phi lah ban leit shano shano.
Haba kren bynrap ka Secretary ka JAC kala ong ha kane ka jingiakren kam shym poi sha kano kano ka rai haba iadei bad katei ka Ropeway ha Lum Shillong namar ka jingialang kala shu kut noh khlem lah ban shim rai.
Ka General Secretary kala ong ba na ka liang jong ka Joint Action Committee kin ieng skhem ha ka nongrim jong ki ba kim kwah ia ka Ropeway hynrei ki kwah ia ka um ym ia ka Ropeway ka JAC, ka kwah ia ki kam pynroi ym ban pyrshah ia ka sorkar hynrei kaei kaba ki kwah ban pynshai ka long ba ki donkam ia ka um.
