Shillong, Naiwieng 15: U myntri rangbah ka jylla u Conrad K Sangma mynta ka sngi u la plie paidbah ia ka jaka bala shan pynitynnad ha IGP point Shillong, kane ka long shibynta ban pynitynnad ia ki surok ha ki jaka sor ia kaba la pynbna ha u bnai Lber 2024.
Haba kren ha ka jingplie ia kane ka jaka bala shna pynitynnad u myntri rangbah la ong ba kane ka dei ka jaka kaba rit, hynrei ka jingthmu ka long ba kumno ban pynitynnad ia ka sor Shillong bad ka long kaba don kam ban pyndon ia ki jaka ba lati ha ka rukom kaba dei.
Ha kane ka sngi u myntri rangbah ka jylla u la pynbna ruh ba la dep ban pynbiang ban shna ia ka “4 Star Hotel” ha jaka ba don ka Orchid Hotel kaba mynta ha jan Polo bad ka jingtrei kan sa sdang noh shen.
La ong ba ka sorkar kan ialeh ban pynitynnad ia kane ka nongbah Shillong bad ha ki 12 bnai ban sa wan ynsa ioh ia shibun ki jingkylla bad ia ka pdeng ban peitngor ia kaba la tip kim ka “Integrated Command Centre” yn sa pyndep noh bad ban plie noh shen ia ka bad ki tiar kiba pyndon kam dei na kane ka jylla.
Ha kane ka sngi la don lang u synbut myntri rangbah ka jylla u bah Sniawbhalang Dhar bad ki ophisar jong ka sorkar jylla bad ha dien la pyndon kam ia ki jingdro bala tah rong ha surok ban poi sha secretariat.
