Shillong, Iaiong 15: Mynta ka sngi u District Elekshon ophisar jong ka East Khasi Hills District u S C Sadhu katkum ka bor kaba la pynkup ha u da ka ain Representation Peoples Act, 1951 hapoh ka kyndon 135B la pynbna shuti ha ka sngi thep vote ka 19/Iaiong/2024.
Ha ka sngi thep vote baroh ki ophisar sorkar, ki jaka pule baroh kin khang ha katei ka sngi ban ai lat ia ki nongtrei baroh ba kin ioh ban leit thep ia ka vote ka jong ki ha kane ka elekshon MP sha Lok Sabha.
Ki karkhana bad kine kino kino ki jingtrei kiba hap hapoh jong ka N.I Act, 1881, ki dukan bad kino kino ki trei da kaba ia bujli ia ka por, kiba trei bylla sngi kynthup ia kito kiba trei sha bar jong ka konstitwensi ki don ia ka hok ba kin ioh ia ka bai bylla na ki trai ba ai kam iaki.
