Shillong, Nailur 12: Ka seng Khasi Jaintia National Union(KJNU), kala pynkha ia ka shnat trei kam ka seng ha shnong Thadlaskein ha West Jaintia Hills District. Ia ki nongkit kam ka seng la pynskhem da u President seng kmie u bah Nikman N Shadap.
Ha kane ka jingialang u bah Mihbiang Lyngdoh ba dei peit ia ka East Jaintia Hills District u la kyntu kynpham ia ki dkhot jong ka seng kiba la pyniasoh bad ka KJNU, la kyntu ba kin trei na ka bynta ka bha ka miat ka shong ka thaw ka thain bad na ka bynta ka jylla.
Ia ka jingialang ba pyniaid da u bah Tuesday Bang u ba la shah jied ruh kum u President ka Thadlaskein Unit hapoh ka West Jaintia Hills Unit, kiwei ki nongkit kam ki long bah Meki Dkhar kum u Vice President u bah Saunibiang Phawa General Secretary bad 13 ngut kiwei ki nongkit kam.
