Shillong, Nailur 05: Ki samla pule kiba pule hapoh ka skul bah USTM ha ka 04/Nailur/2026 ha ka jingialang ka Khasi Student Union shnat Rist USTM kala pynlong iaka lympung pynneh La Riti.
Ha kane ka Lympung Pynneh la Riti la don ka Jingiakop Rwai, Phawar bad ka Shad Tynrai la ia shim bynta shitrhem daki samla pule kiba pule kane ka Skul Bah USTM bad kane kala pynhun ia ki nongpeitkai.
Kum ka jingai mynsiem iaki samla pule ka USTM ha katei ka sngi la poi lang u samla Banjop Maring u ba dei u Assistant General Secretary ka KSU NKHD Unit u bad kiwei ki dkhot ka seng ka Nonghikai jong Botony ka Professor Amelia Nongbet lem bad ki Samla pule USTM.
Haba ai jingkren naka liang u Samla Banjop Maring u la pynkynmaw iakawei ka jingiathuh khana sha ki Samla pule shaphang kawei ka kynhun rwai Khasi ha kaba ki shipai ki ioh i ba kita ki nongrwai ka pynkhring iaka Mynsiem jong ki Samla ba kita ki shipai ki ong ba dei ka jingrwai ka jong phi ba ki Samla ki ioh Mynsiem.
U la ong ruh ba kum ki Samla pule ki dei ban don ka jing iatylli hapoh kane ka skulbah bad ban pynneh pynsah ruh iaka riti ka dustur jong ki Khasi bad u la kyntu ruh iaki samla pule ba kin buh lem haka jingdwai naka bynta ki nongialam kiba hakhmat jong ka Seng Kmie kiba dang don hapoh ingbyndi.
