New Delhi, Nailur 05: U Myntri ka sorkar pdeng jong ka tnad iakren bad kam pynroi ka North Eastern Region, u Jyotiraditya M. Scindia, mynta ka sngi u la leit ban ia don bynta ha ka Northeast Students’ Fest ba 9 ha Talkatora Stadium, New Delhi bad u la don ka jingiakren bad ki samla pule bad ki samla na kylleng ka jaka jong ka thain shatei lam mihngi.
Ha katei ka tamasa, u Scindia u la pynpaw iaka jinglong kawei ban kyrshan iaki paidbah jong ka ri Nepal ha ka jingngat katei ka ri ha ka jingshlei um kaba shyrkhei. U la kyrpad ia baroh ki paidbah nongsngap ha kin ia ieng shiphang ban sngap jar na ka bynta kito ki mynsiem ba la duh noh ha katei ka jingshlei um bad kynmaw ia kito kiba la khlad bad pynpaw ka jingsngewsih na ka bynta jong ki bahaiing jong ki.
Da kaba ban jur ha katei ka jingialang, u Scindia u la ong ba ka Northeast Students’ Fest ka dei ka jingrakhe iaka kolshor ba riewspah jong kane ka jaka, ka jingstad ki samla kane ka thain. Ha ki 21 snem ba la dep, u la kren shaphang ka bynta jong ka My Home India ha kaba iadei bad ka jingialong kawei, jingia tylli bad ka jingpyn kup bor iaki samla.
U la sdang iaka “Home Away from Home” na ka bynta ki samla pule ka thain Northeast, ha kaba u Scindia u la ong ba mynta kala kylla long kawei na ki rynsan ba pawnam ha kaba ki samla ka Ri India kila rakhe iaka jinglong ia tylli ka bapher bad ka jingialong paralok ka jong ki kaba pynskhem ka jingiadei jong ki.
Da kaba pyniahap da ki wah jong ka Ri India, u Scindia u la ong ba ka wah Ganga, Yamuna, Saraswati bad Brahmaputra ki wan na ki tyllong bapher bapher bad tuid lyngba ki lum, hynrei ki iakynduh lang bad long kum kawei ka bynta ba khlain khlem jah ka jingithuh ne ka nam jong ki.
U la kam ba ki samla ki long kum u rishot ba khlain jong ka thain shatei lam mihngi bad ki nongtei jong ka Viksit Bharat, u Scindia u la ban jur iaka jingjop jong ka sap ki samla na kane ka jylla ha ka kam ialehkai, ia rwai ka siaw, pule puthi, teknologi bad ki buit thymmai. U la ai nuksa iaka jingjop jong ki nongialehkai ba pawnam, kynthup iaka Mirabai Chanu bad ka Lovlina Borgohain kiba long ki riewpawkhmat ba mih na kane ka jylla. U Scindia u la sam khusnam iaki samla pule bad ki nongiashim bynta ha ka jingiakop shad ha kane ka tamasa bad ai khublei iaki nongjop.
