Shillong, Risaw 07: U James M.Perry u ba dei u khun jong ki missionary ba la wan na ri Canada bad sah ha Mawlai bad la kha ia u ha Mawlai ha u snem 1960 hynrei namar ba ki kmie ki kpa kila hap ban leit phai noh sha Canada kumta u ruh u la hap ban leit phai lang.
Ki kmie ki kpa kum ki missionary kila seng ia ka skul ha Mawlai bad u ruh u la pule ia ka ktien Khasi haduh ka klass 6 kumjuh ruh ki hymen jong u namar ba ki kmie ki kpa ki kwah ba kin nang ia ka ktien ha ka jaka kaba ki shong ki sah.
U James haba u la kot ha ka jinglong rangbah u la wanphai ha u snem 1995 sha ri Khasi bad ha kane ka jingwan phai u la ia poikha bad ka khun khatduh ka kong Valariena Syiemlieh na Mawlai Nongpdeng kaba la khlad ha u snem 2025 bad kila ioh lai ngut ki khun shynrang.
Haba ia kren bad u James M.Perry u la iathuh ba ka jingpynmih jong u ia kane ka kot Three Sons In A Matrilineal Society ka dei hadien ka jingiaid lynti ka jong u ha kylleng ki bynta jong ka ri Khasi Jaintia kaba ki burom ia baroh la ki dei ki khun kynthei ne ki khun shynrang ym kum kiwei ki jaitbynriew.
Ia kane ka kot nalor jong u la don lang ruh u bah Iasaid Khongjee u ba la iadon bynta lang ban thoh ia kane ka kot. Kane ka kot ka don 207 sla bad ki don 43 tylli ki lynnong napdeng kine ki lynnong kala don ka lynnong ia ka jingpoi ha Mawlai, ka khatduh, khun kynthei, khun shynrang ka SRT Movement and the Hidden Truth kine ki long ki katto katne ki lynnong ha kane ka kot ia mynta u James M. Perry u shong u sah ha Lyngkein.
