Shillong,Nailar 12: u Pa’im Ainam Manik Syiem u syiem ka Hima Mylliem u ba la shah pynhiar khet ha ka Executive Committee ka Khasi Hills Autonomous District Council mynta u la shah thung biang kum u syiem ba pura, ia kaba u la shimti ia ka khet mynta ka sngi 11/Nailar/2026 ha ka jingiadon lang kiba khraw ki batri kiba bahaiing kiba hasem.
Hadien ba la shimti ia ka khet kum u syiem u ba pura u Pa’im Ainam u la ong ba un iatrei lang ryngkat ryngkat bad ka District Council ne bad kino kino ki bor ki bahalor kiba ki hap ban iatrei lang.
U Pa’im Ka Hima Mylliem u la ong ba ka jingpynhiar khet ia u ka long halor ka jingkynnoh ba ka hima ka khlem siew ia ka bhah sha ka District Council kaba dei na ki iew kaba la tip kum kata ka One Eight Share bad kata ka ba 10 persent, ha ba iadei bad ka 10 persent ka EC barim kala ia map.
Ka dang weng ha ka 16/Iaiong/2026 na ka liang jong ka hima ki dang mut ban siew nangne sha khmat hynrei kala mih noh ka hukum ban pynhiar khet hynrei nangne sha khmat kin iatrei lang na ka bynta ka jingbha ka hima.
U Pa’im u la iathuh ruh ba kum ka hima ka ju siew ia ka khajna sha ka District Council kaba dei ka One Eight Share bad kane ka dei ka rai kaba la shim hapoh ka iing Dorbar ka District Council ha u snem 1953 bad iatip ba ka rai kam pat dei ka ain hynrei na ka hima ruh ka burom ban don ka jingiajan bad ka ju ai ruh ia ka bhah sha ka District Council.
