New Delhi, Naitung 31: Ha kaba iadei bad ka jingthmu jong ka Sorkar ban kyntiew ïa ka jingshngaiñ bad bha ka miat jong ki nongñiahtrok, ka Tnad Petroleum and Natural Gas ka la sdang ïa ka sienjam kaba khraw kaba la tip kum ka ‘ApnaGhar’.
Kane ka jingthmu ka long ban pynbha ïa ka jingïaid lynti jong ki nongñiahtrok sha ki jaka ba jngai ha kylleng ka ri. Haduh ka 01.07.2025, 368 tylli ki ‘ApnaGhar’ kiba don 4611 tylli ki jingthiahnalor kiwei kiwei ki jingdonkam, la buh da ki Public Sector Oil Marketing Company (OMC) ha ki Retail Outlet (RO) ha ki surok bah ha kylleng ka ri.
Ki jingdon kam ha kine ki iing na ka bynta ki nongniah trok ‘ApnaGhar’ ki kynthup, ia ki jaka sah miet ban don 10 haduh 30 jingthiah, ka jaka bam, jaka ba ki lah ban shet jingshet, jaka leit sha bar, ki jaka sum, ka umbam umdih kaba biang.
Ia kane ka sienjam ‘ApnaGhar’ la pdiang sngewbha da ki nongniahtrok kumba la paw da ka jingkiew jong ka jingpynrung kyrteng da ki nongniahtrok, ka jingdownload bad ki jingpynrung kyrteng ha ka ‘ApnaGhar’ App bad baroh ki jingiaroh ba la ioh na ki nongpyndonkam.
Ia kane ka jingtip la ai da u myntri khynnah ka tnad Petroleum bad Natural Gas u Suresh Gopi, ha ka jubab ba shu thoh ha Lok Sabha mynta ka sngi.
