Shillong, Nailar 27: Mynta ka sngi 27/Nailar/2026 phra ngut ki nongialam ka Khasi Student’s Union kila leit sha Sardar Police Station hadien ba kila ioh ia ka jingshah khot hajir ha kaba iadei bad ki jingjia ha ka 19/Nailar/2026.
U samla Pynshaiborlang Rani u ba dei u Assistant General Secretary ka KSU haba kren ha ki lat pathai khubor la ong ba kane ka jingshah khot hajir ka dei halor kito ki jingjia ha kaba lai ngut ki nongialam ka seng kila shah kem bad sa uwei ruh u nongialam la dep ban kem halor kane ka jingkem um don eiei ban ong, mynta ka sngi baroh phra ngut ki dkhot jong ka Central Executive Committee kila ia poi sha Sardar Police Station.
La iathuh haba kila poi ha Sardar Police Station ha khyrdop kila pyni ia ki kot namar kim shym kyntait ia ka jingkhot ka jong ki hynrei kaei kaba jia ym shym la shah ia ki ban rung kumta kim don por ban shu ap sah kumta kila ia mih noh ban leit ha la ki kam ki kam.
Na ka liang u Assistant General Secretary ka KSU u ong ba kumba ki khot ki ru kila pyndep iala ka kamram ban leit mih sha Sardar Police Station hynrei la ong ba kim dei shuh ban khot hynrei ka tnad pulit ia kaei kaba ki dei ban leh ia ka kamram ai kin leh iala ka kamram namar ki kila dep pyni ia ki kot hynrei ki sngap jar jar kumta ki hap ban mih noh.
