Shillong, Nailar 31: Ka tnad sam um jong ka jylla ka don ka jingangnud ban pyndep ia ka Greater Shillong Water Supply Scheme, ka bynta kaba lai yn lah ban pyndep ha u bnai Lber jong us nem 2025.
Ka jingslem ban pyndep ia ka GSWSS-III ka daw kaba ha khmat eh dei na ka jingduna ka pisa na ka bynta kane ka skhim ban pynpoi um sha kane ka nongbah Shillong, ka jingtrei kala iaid bun bun snem mynta.
Kiwei ki daw jong ka jingslem ka long namar ba hap ban ia pynbeit ia ka jingtreikam ha pdeng ki tnad sorkar, ka jingslem ban ioh ia ka jingbit na ka PWD bad ka NHIDCL ban tih bad pyniaid ia ki pipe um.
Ka jingslem ka dei ruh na ka daw jong ka jingujor na ka tnad PWD ban pyniaid ia ki pipe um ban sam sha kylleng ki jaka kiba hap hapoh ka GSWSS-III, ka jingslem ban ioh ruh ia ka jingbit na ka tnad khlaw.
Ka jingslem ban ai jingbit na ka tnad iada ri ban pyniaid ia ki pipe um lyngba ka jaka jong ki, kala don ka jingpynslem ruh na ka Hima Mawphlang ban ai ia ka jingbit ban buh ia ka jaka pump um ia ka GSWSS-II.
