Mawrah, Jylliew 29: Na ka dewshrah sha ka jaka jngohkai kaba itynnad kylla ka luhuh kaba don 27 akar ha Shnong Mawrah ha kaba da ki spah ngut ha ka shisngi ki briew na kylleng ki poi iaid kai pyngad.
Ban khring shuh shuh ia ki nongwan jngohkai ka Meghalayan Age Limited kaba dei ka kompeni jong ka sorkar jylla ban kyntiew ia ki kam jngohkai pyrthei ha rud jong ka pung ha Mawrah kala shna ia ka restaurant kaba nyngkong ha Meghalaya da ki iit.
Ka jingshna ia kane ka restaurant kala dep ban shna bad mynta ka jingpynkhreh ban shna sa ia ka jaka shet kaba thawing tang khyndiat phut na ka restaurant kaba la shna ban long ka jaka bam ia ki nongleit nongwan.
Kane ka luhun kaba don ia ki krem dewiong kala long ka jaka shrah ha dien bala khang tih dewiong ha u snem 2014, da ka jingtrei shitom ka tnad Soil Conservation ia kane ka jaka shrah ka pynkylla mynta sha ka jaka kamai ki paidbah nongshnong ka shnong Mawrah.
Ki jingtrei ha kane ka jaka kaba u SP News Agency u la poi la shem ba ki dang iaid ha kaba la ioh ruh ban ia kren bad ki trai shnong bad kila ai khublei ia u myntri rangbah ka jylla u Conrad ka Sangma bala pynkylla dur ia ka luhun sha ka jaka pynlong um slap bad kylla sha ka jaka jngohkai.
