Shillong, Nailar 11: Ka shna pynbha bad siangrong ia ka surok na Mawphlang sha Weiloi kala dep ban sdang la palat shisnem, ia kane ka jingtrei la phiah ha ki ar bynta, na Mawphlang sha Lyniong ha ka bynta kaba nyngkong bad ka bynta kaba ar na Lyniong sha Weiloi ha ka bynta kaba ar.
Ia ka jingtrei na Mawlhang sha Lyniong la dep ban shna pynheh bad pynbha bad la dep ruh ban iang rong ha ki khyndiat bnai, hynrei kaba pynsnewsih ia ki nongleit nongwan na kane ka surok ka long ba rong kala sdang ban koh ha ki bynta jong ka Lyniong.
Ki paidbah kiba iaid na kane ka surok kaba kyntup ia ka Mawphlang, Ranikor, Mawkyrwat bad Mawsynram konstitwensi kila kren diaw namar ba ka jingsiang rong kaba tang khyndait bnai kala sniew bad ki bynta baper bapher jong kane ka surok kila sdang ban khoh.
Ia ka bynta kaba ar jong kane ka surok na Lyiong sha Weiloi dang dep tang ka jngtih ban pynheh ia ka surok, kin ala ym pat lah ban pyndep bad ki kynroh ruh kum juh, ka jingsiew ka surok ka long kaba la palat, ka long ka jingsyrtok ia ki nongleit nongwan.
Na ka liang jong ki riew paidbah kila pynsngew ba ka PWD ka dei ban da peit bha haba pyntrei ban siang rong ka dei ban neh la kumno kumno shisnem ei ei, hynrei kane ka surok kaba la depban siang rong tang khydiat bnai kala sdang jot.
Ia ka bynta kaba ar ka long ba ka PWD ka dei ban pynthikna ba tang wan ka tlang kala dei ban bthah ia kontraktor ban pyndep ia ka jingsiangrong na Lyniong sha Weiloi, bad ka dei ban pynthikna na ka dei ban neh ym ba kan jot noh tang khyndiat bnai.
