Shillong, Nailar 01: U bah A L Hek mynta ka sngi u la phah ia ka shithi sha u myntri kam poh iing ka Ri India u Amit Shah ban kyrpad ia u ban tuklar lem ia ka jingshah kem ki ar ngut ki sister ha ka sorkar Chhattisgarh halor ki jingkynnoh kiba khlem nongrim.
Kumba kala paw na ka Video la ioh ba kawei ka briew kaba la kam ia lade kum ka Jyoti Sharman kaba la leh kum kawei na ki nongbat ain kala talasi ia ki pla da kaba byrngem ha ka juh ka por bad ki pulit katei ka jylla ki long tang kum ki nongpeitkai.
Ymtang kata kala thap ruh ia Pastor ha khmat ki pulit, kane ka jingleh katei ka briew kala pynong ia ki khristan ha kane ka ri, la kdew ba u la ia kren bad u myntri rangbah katei ka jaka lyngba ka phone bad ka shithi ruh la phah bad dawa ba dei ban pynlait mardor.
Ha ka shithi sha u myntri kam poh iing la kyntu ba dei ban pynlait noh ia ki ar ngut ki sister bad dei ban pynshitom katkum ka ain ia ka Jyoti Sharma ia ka jingleh ka jong ka kaba la pynjah burom ia ki riew ngeit Hindu kiba ngeit ha ka jingsuk hapoh kane ka Ri.
