Shillong, Naiwieng 17: Mynta ka sngi u National General Secretary u Abhishek Banerjee MP, u la poi sha Tura ha Garo Hills bad ha kane ka sngi la plie ruh ia ka ophis treikam ka party ha Te’teng A’ja, ha Tura.
U National General Secretary ka AITC ha ka jingplie ia ka ophis u la ai khublei kyrpang ia ki nongtrei ka party kiba la trei shitom ban pynkiew ia ka party kumba ka long mynta ha kane ka jylla Meghalaya.
Ha kane ka sngi ba plie ia ka ophis jong ka TMC ha Tura la don lang u nongialam ka party ba dei peit ia ka jylla Meghalaya Dr. Manas Ranjan Bhunia, Meghalaya TMC State President Charles Pyngrope, Trinamool Congress Legislature party ba dei ruh u nongialam ka liang pyrshah ha iing dorbar thawain u Dr. Mukul Sangma, bah George B Lyngdoh MLA.
Ha kane ka sngi la kren ba ka Meghalaya TMC ka thmu ban btin ia ka jylla Meghalaya na ka bynta ban kyntiew ha ka roi ka par bad ka jylla kan kiew ha baroh ki liang ha ki kam pynroi.
