Wat ialap tang ia ka Bible kren ruh ia ki jingjia ha kane ka juk :Rev. Gibbons

Jowai, Rymphang 10: Ka jingpynkut iaka jingrakhe ba shisnem lynter iaka jingdap 125 snem ka balang Mane Wei Blei, haka nongbah Jowai kala kut hapdeng ka nguh ka dem ka duwai ka phirat ia U Blei Nongbuh Nongthaw. Ka jingiaseng kaba lyngkhuh ruh bad ka Jingiasengbah ba 113 jong ka Senglang ki Nongmane Wei Blei kalka_Choir_ki_samla_ka_Balang_Unitarian_Jowaia sdang naduh ka 8  haduh ka 10 tarik u Rymphang 2013.

Iaka jingpynkut iaka jingrakhe Quasqui Centenary ka Balang la pynlong  mynha ka 9 tarik u Rymphang bad la kyrkhu khyrdoh iakane ka jingpynkut da I Lis Dyson Jones iba long ka President jong ka General Assembly Unitarian and Free Christian Churches UK. Haka jingkren jong i kum I kongsan ka Lis kala pynkynmaw ba ka jinglongdkhot haka balang kaba kylluid kaba iar kum ka niam mane Wei Blei ka dawa ia ki nongngeit ba kin im katkum ka jingngiet ka jong ki. Ha kane ka jingiaseng la iadon don ryngkat u MP ma Vincent Pala, MLA Remington Pyngrope, MDC ma Moonlight Pariat kumjuh ruh ki nongialam jong ka Balang Unitarian bad Universalist na USA u Rev. Gary Smith bad Rev. John Gibbons, na Canada u Rev. Brian Kiely uba long ruh u President ka International Councilof Unitarian and Universalist bad u Rev. David Gyero na ka Balang Unitarian na Romania.

Ka Balang Unitarian haka shnong Jowai ka long ruh ka balang mane wei Blei kaba la seng nyngkong ka ki lum Khasi Jaintia Karbi Anglong ia kaba la seng haka 18 tarik u September. La seng ia kane ka Balang da u Hajom Kissor Singh Lyngdoh Nongbri bad ki nongbud jong u, u Mar Sutnga Paslein, u Kat Sohmynting Shylla, ka Men Kurimai Lyngdoh bad ka kong Phareinbon Rani ka lok jong u H.K. Singh haka 18 tarik u September 1887 haka shnong Jowai.

Nalor ka jingpynhap pyrda iaka jingdap 125 snem ka Balang Jowai, kane ka jingiaseng kaba lai sngi lynter ka lyngkhuh ruh bad ka Jingiasengbah ba 113 jong ka Senglang ki Nongmane Wei Blei ha kine ki thain shatei lammihngi. Uwei naki nongai jingkren ha kane ka jingiaseng u Rev. John Gibbons ula pynkynmaw ia ki kyntien jong u Rabbi Jew u, uReinhold Niebuhr uba ong ba ki pastor mynta kin hap ban ialap da kaba bat ia ka Kot Bah ha kawei ka kti ba bad ka kot khubor ha kawei pat.

U pastor Gibbon u pynynmaw ba ngi im mynta ha ka por kaba ka jingiakynad ka dap kylleng bad ka jingshah ban bein jong ki kynthei ka kynrei bha, ula ong ba kala dei ka por mynta ba ki balang kin mih na ki saw kynrong jong ka iinmane bad ban ialeh ban wanrah iaka jingsuk bad ka jingbha haka pyrthei. Ula kyntu namar kata ia ki riewngngeitba kin pyntreikam ia kaba ki ngeit bad ban im katkum ba ki ialap.

U Pastor Gibbon uba la wan bunsien sha kine ki thain bad uba pule tista ruh ia ki khubor phareng na Shillong, ula iaroh iaka jingshlur jong ka kong Agnes Kharshiing kaba ialeh pyrshah iaka jingthombor bad ka jingban bein iaki kynthei bad kumjuh ruh pyrshah iaka jingbamsap

Kiwei pat kiba la ai jingkren ha kane ka jingiaseng ki dei u Rev. P.G Marbaniang, Rev Gary Smith, Rev John Kiely, Rev. David Gyero.(SP News)

 

 

 

 

What Next?

Related Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet