Shillong Nailar 22: Ka seng Hynniewtrep Achick National Movement (HANM) jong ka West Khasi Hills mynta ka sngi ka la leit ban aid a ka jingthoh sha u Chief Secretary jong ka jylla u Bah WMS Parait ban dawa na ka sorkar ba dei ban weng noh ia u Bah S Kharlyngdoh kum u DC na katei ka District.
Ha ka jingthoh kaba la ai sha u Chief Secretary ki la kdew ba katkum ka kyndon ain jong ka sorkar ka long ba u ophisar ym dei ban sah palat ia ka lai snem ha ka shi jaka. Kumba ka long mynta ka por trei kam jong u DC ka la kut ha ka 26th Naitung jong u bnai ba la dep.
Ka daw kaba kongsan kaba eh kaba ha khmat kaba la kynnoh da katei ka seng ka long ba ha kine ki snem kam shym don kano kano ka kam pynroi bad kaba sniew eh ka long ba ha ka jaka ba yn iarap ia ki samla kiba la pass ia ka DSC examin ban pynjlan shuh ia ka por hynrei ym shym la leh ei ei ban iarap ia ki.
Ha dien ba la dep ban ai ia ka jingthoh sha u Chief Secretary na ka liang jong u president jong ka HANM u la ong ba ki la ai por ia ka sorkar shiphew sngi ban weng ia u DC na katei ka jaka bad lada ka sorkar kam weng ka seng kan khot ia ka jingiakhih kaba tyngeh.(SP News)
