Shillong, Jymmang 11: U Bah Hopingstone Lyngdoh u la ia khun ban pynbeit ia u pd u sam yn tang ha dien ba la ioh ia ka jylla Meghalaya hynrei haduh ki snem 1964 ha ka por ba ka Meghalaya ka dang hap hapoh ka jylla Assam.
Ki jingthoh kiba don hapoh ka Khasi Hills Autonomous District Council, ha kato ka por ka dang dei ka United Khasi Hills Autonomous District Council, ki la don bun ki jingthoh kaba ki Chief Executive Member jong ka United Khasi Hills Autonomous District Council ki la thoh sha ka sorkar Assam.
Ka jingkam jong ka sorkar Asssam ia ki jaka jong ka Ri Khasi Pnar ka long naduh kip or ba ia ka Ri India dang synshar ki phareng hapoh jong ka KHADC ka don ka Map ia kaba dei ki jaka khasi kiba naduh u snem 1876.
Ha kane ka map la kdew shai kdar ba ka jylla Assam naduh ba ka dang bat lang ia ka jylla Meghalaya ka la kam ia ki jaka kiba ka ong kylla mynta ba dei ka jylla Meghalaya kaba leit ban tam pud sha Assam. Ka UKHADC naduh ka snem 1965 ka la dep buh ia ki jingthoh kiba ka Assam ha kato ka por ka kamia ki jaka jong ka Ri Khasi.
Wat hapdeng jinglong tynmen na ka liang jong u Bah Hopingstone Lyngdoh MLA jong ka Nongstoin haduh mynta u dang lum dang lang ia ki jingthoh baroh kiba la ia leh naduh kitei ki snem ia kaba ka sorkar Meghalaya kam shym la shim khia. Ki don ki jingthoh hapoh jong ka KHADC kiba la kdew shai kdar ba ia u pud u sam la dep ban kdew hynrei ka jingkylli mynta ka long hato ki nongialam, ka jylla Meghalaya kim don por ban peit ki la shu aiti ha ki ophisar ba kin peit ia kane ka kam.(SP News)
