Shillong, Iaiong 18: Mynta ka sngi ki briew jong ka jylla Manipur kiba sah ha kane ka nongbah Shillong kila pynlong ia ka jingiakhih shong kyllain mungor ban pynrem ia ka jingshah pyniap jong ki ar ngu tki khynnah ha ka jingsait roket ha ka iing kaba ki sah bad ha ka juh ka por ka long ban kyntu ia ka sorkar ba kan wan rah ia ka jingshong suk hapoh ka jylla Manipur.
Ka T S Leima President Manipuri Elders Consortium Shillong kala ong ba kane ka jingiakhih shongkyllain mungor mynta ka sngi ka 18/Iaiong/2026 ha Don Bosco Square ka long ban pynrem ia ka jingshah pyniap ar ngut ki khynnah ha ka jylla Manipur u khynnah ba dang san snem bad ka para kaba dang san bnai ha iing sah jong ki.
Katba u kpa jong ki u dang ai ka jingiada ia ka ri namar u trei kum u shipai hapoh ka Border Security Force katba ka kmie ka dei ka Nurse kaba trei na ka bynta ki paidbah ha Apolo Hospital Guwahati katba kine ki khun kila khlad ha ka jingshah ther ha u Roket ha ka 7/Iaiong/2026.
Ka jingdon jong ki ha kane ka jingiakhih ban shong kyllain mungor ha kane ka nongbah Shillong ka long ban pynpaw ia ka jingdon lang ka jong ki bad ka iinbg ka sem kiba mat ia kane ka jingjia kaba sngewsih bad ban pynrem jur ia kane ka jingleh riew khlaw.
Ka long kaei kaei kaba sngewsih ban iohi ba ka sorkar kam lah ban tem ia kane ka jingiaumsnam kaba la jan dap lai snem mynta bad ka jingkyrpad ia ka sorkar ka long ban wan rah biang ia ka jingshong suk bad pynkut noh ia kane ka jingiaumsnam katba kloi namar bun ki mynsiem kila duh ei, ki iing ki sem kila julor baroh ki kynduh jingeh kumta la kyrpad ia ka sorkar ba kan pynkut noh ia kane ka jingiaum snam.
