Shillong, Iaiong 18: Ka seng Meghalaya ASHA Workers Union (MAWU) kala pynlong ia ka jingjied ia ki nongkit kam kiba thymmai jong ka seng ha Madan Student, Jaiaw haka 17/Iaiong/2026 bad ha kane ka jingjied ia ki nongkit kam thymmai ka kong Mira June Mysing kala shah jied biang kum ka President bad ka kong Wanshailut Wahlang kum ka Secretary.
Ka jingjied ia ki nongkit kam ka seng ka juh long man ka lai snem ha kane ka jingialang ki nongtrei ASHA kila ia wan na kylleng kajylla Meghalaya ban ia shim bynta ha kane ka jingjied ia ki nong kit kam kiba thymmai na ka bynta ka seng samoi treikam na ka bynta ki lai snem ban wan.
Ka elekshon kala sdang naduh ka por 10 baje mynstep bad ha dien ba la dep ka thep vote la niew ha ka por jan miet bad ha kane ka jingiajied ia ki nongkit kam ki ASHA kila ai biang ka jingsha niah sha ka Kong Mira ban long ka President ka seng. Ia ki nong kit kam ba thymmai la pynskhem ha ka juh ka sngi.
Ha kane ka elekshon ban jied ia ki nongkit kam la wan ia sakhi lang da u shongknor ka iing dorbar tahwain ka KHADC u bah Strong Pilar Kharjana, ha ka jingkren u la ong ba ha ki nongkyndong dei ki ASHA kiba wanrah ia ka khmat kaba phuh samrikhi sha ki npngpang ha kita kiba shah ha ki jingeh.
Kiwei kiba la don lang ha kane ka sngi ki long u bah Isynei Hinge MDC, u nongai buid ka seng ba ia dei bad ki kam ain bah Nesterjune Marbaniang, ka nongai buid ka seng ka kong Sony Kharjana bad kiwei kiwei kiba la shah khot sngewbha.
