Shillong, Iaiong 18: Ka Jaiñtia National Council (JNC) Central Executive Committee haka 17/Iaiong/2026 hapoh ka jingialam jong u President Jong ka I bah Sambormi Lyngdoh, kala ioh ban iakynduh ia i bah Wankit Pohshna uba long u General Secretary ka Meghalaya BJP State Unit hadien ka jingkhot jong u, Kane ka jingiakren kaba kongsan ka long hadien ka jingai jingthoh jong ka JNC kaba la aiti sha ka BJP ha ka 17 tarik u March 2026, kaba iadei bad ki jingeh bad ka jingtih dewiong hapoh Jaintia Hills bad ha kylleng ka Meghalaya.
Haba kren sha ki lad pathai khubor u President ka JNC u la ong, Naduh ba ka Supreme Court ka la ailad ban tih dewiong biang ha u snem 2019 kaba la ailad ban tih dewiong ruh katkum ki kyndon jong ka MMDR Act, ka JNC ka dang sngewkhia jur ba kine ki kyndon ha ka nongrim kim iahap satia bad ka rukom bat jaka tynrai jong ka Meghalaya bad ki rukom treikam ia u dewiong ka long pher naka tei ka kyndon.
Ka jingia iaid paidbah (rally) ha ka 7 tarik u April, 2026 ha Khliehriat, kaba la khring da ki hajar ngut ki nongtih dewiong, ka la pynsngew ia ka jingdawa kaba iatylli na ka bynta ka polisi tih dewiong kaba iadei bad ka jaka ba kyrpang jong ngi.
Kum ki nongsumar bad ki nongiakhun iaka sur u Jaintia, ka JNC ka dang iai bteng ban iasaid na ka bynta u dewiong, uba long u jakpoh jong ngi ha Jaiñtia Hills. Ka jingiakynduh mynta ka sngi bad i bah Pohshna ka long kaba sngewtynnad bad don jingkyrmen, u la pynthikna ruh dakaba kular ban rah ia kane ka mat sha ka Sorkar Pdeng.
Ka JNCka kren shai ia i bah Wankit, ba haba ngi phai dien shaka judgement Jong ka supreme court kaba Ong ba ngim lah ban tih ia u dewiong khlem ki kyndon ka MMDR, katba ka Para 12A(b) jong ka Khyrnit kaba Hynriew ka ai bor ia i President ka Ri india ban pyllait ia ki ain jong ka sorkar pdeng kum ka MMDR na ki jaka ba la buh. Lada ka sorkar pdeng ka don ka mon kam don jingeh ban pyllait iaka MMDR, khamtam eh ha kaba iadei bad u dewiong ym ia kiwei ki marpoh khyndew.
Ka jingweng Jong ka sorkar iaka 370 naka kashmir bad ruh iaka CAA naka Meghalaya, kine hi ki pyni shai ba kam don jingeh iaka sorkar pdeng lada ka don ka mon ban weng iaka MMDR nangi, khnang ba kan long suk iaki nongtih dewiong kiba rit Jong ngi, namar ba ka SOP kaba mynta kaba heh 100 hectare, bad hapoh Jaiñtia hills kiba bun hi ki nongtih dewiong ki don jaka kiba rit barit, kane ka shispah Hektar kam long salonsar ia baroh bad kaei kaba donkam hangne kadei naka sorkar pdeng ban pyllait iaka MMDR nangi.
Khyndiat ngi kwah ruh ban phai shaka jingkren jong u Myntri Rangbah ka jylla u Conrad Sangma dang shen uba Ong ba haba ka Sorkar ka shna aiñ ka shna ia baroh ka Ri, hooid kadei kata, hynrei ka jingong Jong u ba ka Meghalaya kam lah ban ioh ia kita ki ain ba kyrpang namar ba kiwei ruh kin pan ia kumjuh, kane hi ka dei kaei kaei ka bym don nongrim, namar baroh ki jylla kim Don iaka sixth schedule, te ngi hapoh Meghalaya ngi don iaka sixth schedule, kaba pynksan iangi iaka jinglong trai iaka khyndew bad ia u marpoh khyndew Jong ngi, te kane hi ka dei ka jingkhang iangi ban leit shaka sorkar india.
Ka JNC ka ai ka jingiaroh ia ka jingshimkhia jong ka Meghalaya BJP ban shimkhia ia kane ka kam, bad ngi la kren shai ruh ia i bah Wankit ba lada long kaba lah ba in ialam lang iangi ruh ban iakren lang bad ka sorkar pdeng, khnang ba kane kan ym long tang ka jingkwah Jong ki party, hynrei kan long kum ka jingdawa ba la slem jong ki paidbah Jaintia bad Meghalaya.
Bad naka Liang Jong ngi ka seng ka KYNTAIT mardor iaka jingkren Jong u CM, namar kane ka jingkren Jong u CM ka ialam bakla ia u Paidbah, namar haba don ka jingkyrmen balei ban pynduh iaka. Mynta ka jingkhang Jong ngi ka long sa tang haka sorkar pdeng bad ngi kyrmen skhem ba lyngba ka Meghalaya BJP state unit ba kan shimkhia ia kane ka kam bad ngin sa ioh ia u soh ka jingjop.
“Lada lah wat ban weng noh ia ka Article 370 napoh kashmir, bad pyllait ia ka CAA na ka bynta ka jylla Meghalaya, ka jingpyllait tih dewiong ruh ka long kaba lah ban ioh, da kata kaba ngi Ong ka mon sain pyrthei,(political will)” la pynkut i bah Sambormi Lyngdoh, President CEC ka JNC.
