Maligaon, Iaiong 18: Ka Northeast Frontier Railway (NFR) kala pyntip ba ka jingkiew ia jingpynkit ia ka dewbilat da da ka rel ha kane ka thian North East baroh kawei ha baroh ki jak aba don ki jaka pynhap mar.
Ka jingkit dewbilat kala kiew sha ka 7.8% bad ka jingkiew ka long na ka 9.05 million tone sha ka 9.76 million tone ha u snem 2025-26 bad ka jingkiew ha ka jingpynkit ia ka dewbilat kala poi sha ka 152% bad kane kala kyrshan ia ki kam pynroi ha kane ka thain.
Kane ka jingkiew ka dei na duh pala plie ia ka lynti rel Sairang Railway Station ha ka 14/ Nailur/ 2025 bad ka jingkit ia ka Star Cement na jan Guwhati bad kane kala kyntiew ia ka kit ka bah ha kane ka thain naduh bala dep ka lynti rel Bairabi – Sairang.
Ka N.F. Railway ha sien kaba nyngkong ruh bala pynkit ia ka dew bilat sha Molvom Railway Station ha ka jylla Nagaland ia kane ka dewbilat la wan kit na M/s My Home Industries Pvt. Ltd., Telangana ha ki 41 tylli ki wagon.
Haka juh ka por ka long ka sien kaba nyngkong ba ka jaka sangeh reh ha Nischintapur jan Agartala bad ha kane ka jaka la kit ia ka Star Cement na ka lynti rel Agartala–Akhaura ka lynti kaba thymmai bad kane kala dang pynkhlain ia ka jingiaid ki rel ha ka jylla Tripura.
