Shillong, Lber 03: Hato ka seng Nationalist Congres Party kan ioh minister ha kane ka sorkar Congress ka ban ialam da u Dr Mukul Sangma, namar bun na ki MLA jong kaseng Congress kiba jop mynta bun ki ba la jop bunsien.
Na ka liang jong ka seng NCP ka la dei ka jingkyrshan ia kane ka sorkar kaban ia lam da ka seng Congress khlem da buh kano kano ka kyndon, hynrei na ka liang jong ki nongialam jong ka seng NCP na Delhi ki kwah ban kawei ka shumi myntri kan leit sha ka seng NCP namar ba ki ia treilang ha ka sorkar pdeng.
Ha kane ka jingthaw sorkar ha Meghalaya hato ki nongialam jong ka seng NCP kin lah haduh katno ban khroh ia ka nongialam jong ka Congress ka Sonia Gandhi ba kan shah ia ka NCP ba ioh long minister ha kane ka sorkar ban ialam da u Mukul.(SP News)
