Shillong, Jymmang 17: U myntri rangbah ka jylla Meghalaya u Dr Mukul Sangma mynta ka sngi u la
pynlait paidbah ia ka kot thoh khanasamri jong ka jylla Meghalaya kaba dei na ka bynta jong u snem 2011. Naduh mynta ka sngi baroh ki tnad sorkar ki la ioh ia ka khein kaba bniah ia ka jingdon ki paidbah nongshong shnong ha kane ka jylla.
Ha dien ba la pynlait paidbah ia kane ka kot thoh khanasamari, na ka lang jong u myntri rangbah ka jylla u la ong ka sorkar mynta ka hap ban wad ia kid aw balei ki briew jong ka jylla ki duna ha kaba trei ia ki kam rep kam riang, da kane ka khanasamri mynta ka sorkar ka lah ban pynkhreh ia ki kam pynroi ha ei don kam ban kham theh ia ki lad jingiarap bad ha ei ban kham pynduna.
Haba ia dei bad ka jinghiar jong ki briew kiba trei ha ka kam rep, u myntri rangbah u la ong ba kane ka jingkhein ka dei ban pynkyndit ia ki briew kiba don ha ka tand rep, hap ban wad ia ka daw balei ki briew ki kiar na ka rep, kumba ka long ka rep ka riang ka long kaba don kam ban pynmih ia ka bam.
Na kane ka khana samari kaba la pynlait paidbah mynta ka sngi ka la kdew ba ka jylla Meghalaya ka don 2,96,6889 ngut ki nong shong shnong katkum kane ka khana samri kaba la pynlait paidbah mynta ka sngi. Na kine ki shynrang ki don 1,491,832 ngut bad ki kynthei ki don 1,475,057 ngut. Na kine kiba sah ha haka sor ki long 595,450 ngut bad kiba sah sha ki nongkyndong ki long 237,1439 ngut.
Haba shim ia ka jingkiew ha ka jingdon ki paidbah nongshnong shnong ha kane ka jylla ka long 27.9% na ka liang jong u myntri rangbah ka jylla halor kane ka jingkiew jong ki briew jong ka jingdon briew ha kane ka jylla u la ong ba kane ka lah ban dei ba ki briew ki la kham ioh ia ki lad jing iada bad ki briew ki la kham im slem, ia kane ruh hap ban peit lada ka dei na ka jinglah jong ka sorkar ban ai ia ki lad jingsumar ia ki paidbah. Namar ka jingdon jong ki khynnah ha kane ka jylla ka la kiew.(SP News)
