Shillong, Iaiong 30: Ki shipai BSF mynta ka sngi ha dien ba ki la ioh ia ka jingtip kaba thikna ki la ap ktem bha ha Sonapur bad ki la kem ia kawei ka trok kaba don ia u numbor WB-15B-4935 bad na kane ka kali la ioh ban kurup haduh 165 ki synduk kot ha kaba la thep ia ki dawai pynbuaid ia kaba la tip kum ka Phensedyl.
Ha ka jingkhein jong ki BSF kane ka dawai ka la poi sha ka T.37,55,191 lak. Ki shipai BSF ki la kem ia u Raj Kumar Mahato, 32 snem u ba dei na West Bengal,U Tapas Mondal, 40 snem une ruh na West Bengal.
Ha kane ka jingtohkit kine ki ar ngut ki la phla ba ia ki pipe um la kit na Dulagarh, Kolkata bad ia ki dawai pynbuaid Phensedyl la kit na Guwahati.(SP News)
