Shillong, Lber 14: Ki pulit jong ka nongbah Shillong mynta ka sngi kila ioh bankem lai ngut ki dkhot jong ka seng HNLC na Upper Shillong katba ki dang thmu ban leit sha Bangladesh.
U SP Jong ka East Khasi Hills u Bah M Kharkrang u la iathuh ba kila ioh jingtip ba ki don ki samla kiba la leit rung ha kane ka seng bad ki don ha ki ar tylli ki sumo kiba thmu ban leit sha Bangladesh.
Ia kine ki ar tylli ki sumo la bat da ki pulit ha upper shillong, na kine ki sumo la ioh kem lain gut ki dkhot jong ka seng HNLC ia kaba la tip kyrteng ia ki kum, Tony Roy Pale class VIII na ka shnong Kyrdem, Shanbor Maring Class III, Kyrshan Khyriem Class VIII baroh ar ngut ki dei na ka shnong Mawtnum bad kine baroh lai ngut ki dei na Ri Bhoi District.
Na ka jingtohkit na kine kiba la shah kem la ioh jingtip ba ki don ki samla kiba la pyniasoh ia lade bad ka seng HNLC bad mynta ki don ha lynti ban leit sha Bangladesh lyngba ka border na ki thain Mawsynram.
Ka jingkhynra ha ki khappud bad ka Bangladesh ha ki thain Mawsynram ka dang iaid sha khmat ban lap ia ki briew kiba thmu ban rung sha Bangladesh.
Na ka liang jong ki pulit kila ong bay n pynshitom ia kito ki breiw baroh kiba la leit ban pyniasoh bad katei ka seng kaba la niew beain katkum ki kyndon ain. Ia kitei ki lai ngut kiba la shah kem la pyngat ia ki hapoh ka kyndon ain Unlawful Activities (Prevention) Act.(SP News)
