Jowai Nohprah 05: Ka tnad pathai khubor jong ka sorkar pdeng ka la pynlong ia ka jingpynidur ha Jowai bad ka jingthmu jong kane ka long ban pynsngewthuh ia ki paidbah ba ka sorkar pdeng ka la bei pisa sha ka sorkar jylla na ka bynta ban pyntrei kam ia ki skhim na ka bynta ka jingmyntoi jong ki paidb
ah.
Kane ka jingpyni ia ki dur ka long ban pynsngewthuh sha ki paidbah ba ki don ki skhim kiba bun jaid ia kaba ka sorkar ka la pyntrei kam na ka por sha ka bad na kawei ka snem sha kawei pat. Ki paidbah ki dei ban tip ia la ka jong ka hok ka jong ki ba ki dei ban wad na ki tnad sorkar ia kaei kaba la mang na ka bynta ka jong ki.
Ia kane ka jingpynia ki skhim bapher bapher jong ka sorkar ha ka rukom jong ki dur la plié da u myntri ka tnad pule puthi jong ka sorkar Meghalaya u Dr R C Laloo, ha ka jingkren ka jong u la ong ba kine ki dur kiba la pyni ka long ban pyni sha ki paidbah ia ki skhim kiba ka sokar ka don na ka bynta jong ki paidbah ban kyntiew ia ka ioh ka kot.
Ia ka jingialang la pyniaid da u Deputy Commissioner jong ka West Jiantia Hills District .Ha kaneka sngi ka la don ruh ka jingiakren ban ia phylliew jingmud ha kaba ia dei bad ki jaid skhim kiba ka sorkar pdeng ka don na ka bynta jong ki paidbah ba kin tip.(SP News)
